Vieilles chansons que j'aime

Chanson de Léopold Pingré, composée en 1872
sur l'air des "Pompiers de Nanterre"
Cette chanson évoque la voiture-fourrière des sergents de la ville d'Amiens
chargés de capturer les chiens errants.
Cette cage montée sur deux roues était trainée par un âne.
Il existe deux autres couplets


Maman me la chantait quand j'etais petite

L'VOITURE A TCHIENS

France , approche,et sois tout éreilles,
Car ej viens t' canter chés merveilles
D 'einne carette rare qu'on n' voit qu' l' été
Mais dont chatchien est épeuté.
Trois hercules, ein beudet,
Einne etnaille,einne grande nasse,
Quaint tout cho d' vant vous passe,
Oz est forcé d' tranner:

Refrain
El voiture à tchiens, ch' est ein équipage,
Qui foit bien du bruit da tou l' ville d'Amiens,
Quand i passe quéque part, ch' est pis qu'ein orage,
I met su les deints
Et tous chés betes et tous chés geins
Barbets, loulous, rotchets, carlins
reintrez da vos niches,
Filez tertous, muchez-vous bien,
Vlo l' voiture a tchiens !

********** II.**********
Tout l' monde sait avu qu'elle adrèche
I vous gobent ein tchien ein détrèche.
Portaint quéqu'fois, quoiqu' bien malins,
Chés bêtes i sont plus fins qu' chés geins.
Halté-lo, dit ch' nassier ,
Vite, ouvre l' tabatière !
Crac, i tape par derrière
D' Azor qui vient d' filer.

**********III.**********
Ch' est ein coeup d' scène d' ein fin comique
Qui d' rire fait braire el pauv' bourrique,
Quand on voit ch' malheureux péqueux
L' ver sein filet d' ein air moneux.
Chés moutards rigolant,
D' vir qu' il o manqué s' proie
S' ein vont l' tchoeur reimpli d' joie
Sur tous les tons criant:

********** IV**********.
Einfan pour terminer l' histoire
Il est einne cose assez notoire,
Ch' est qu' i s'roit boin d' conseiller
A bien des geins dé' s' foire mus'ler.
Car, vraimeint, einter nous,
Quand ch' fiacre lo vient, sans rire
A grameint o peut dire
Emz amis garde à vous!!

*****************************************