http://cultureoceanindien.wordpress.com/

REGIS GIZAVO...

http://www.echolalie.org/wiki/index.php?ListeDeGuitaristes

"MIARA RODOBE"

BEZIZO

VIDEOS DIspos sur :
http://vids.myspace.com/index.cfm?fuseaction=vids.individual&videoid=1724442479

http://www.mylinea.com/gasikara/musique/

La preparation pour le concert du samedi 8 Décembre à Coudoux... Avec des invités surprises...

ERIC MANANA ROOTS BAND


Teraka ny 1 Janoary 1959 tany Fianarantsoa i Rafilipomanana Erick Harisolofo izay fantatry ny maro amin’ny anarana-tsehatra nohafohezina hoe Erick Manana. Tovolahy efa nahafolaka gitara izy nony nifindra-monina tany Antananarivo. Telo lahy ry zareo mpiaradia nanangana ny tarika « Lôlô sy ny Tariny » tany amin’ny taona 1976 tany ho any dia i Lôlô [Rakotomanga Angélo] sy i Bebey [Rakotomanga Mathurin] ary i Erick.

Mambran’ny « Lôlô sy ny Tariny » i Erick no nihaona voalohany tamin’i Graeme Allwright, Neo-Zealandey mihira amin’ny tena Frantsay, izay nanatanteraka fampisehoana tany Antananarivo tamin’ny taona 1979.

Ny famelombelomana indray ny hasin’ny hiran’i Razilinah, isan’ireo ngezalahy mpanakanto Malagasy namorona ny « tendry gasy » tamin’ny gitara, no nandrenesana ny anaran’i Erick voalohany izay mbola Erick Razilinah fotsiny aloha, vao nahazaka tena sy nivadika ho Erick Manana taty aoriana.

Hanohy fianarana any Bordeaux, Frantsa no nandaozan’i Erick an’i Madagasikara ary rehefa nandray anjara tamin’ny fampisehoana maro samihafa izy dia nofidin’i Graeme Allwright ho mpitendry gitara raikitra mpiaradia aminy nanomboka tamin’ny taona 1990.

Maro ireo mpanakanto hafa niarahany niasa [Parson, Tselonina, Mahaleo, D’gary, Salala, Régis Gizavo, Jaojoby, Mily Clément, sns …], sangany amin’ireny ny namoronany ny tarika « feo gasy » niaraka tamin’i Rakoto Frah sy Fafa-n’i Mahaleo.

Resaka raki-kira indray, ankoatry ny raki-kira izay niombonany tamin’ny tarika Lôlô natonta kapila tamin’ny taona 1981, dia tamin’ny taona 1993 izy dia namoaka raki-kira « Bonjour Madame la guitare » ho fahatsiarovana an-dRazilinah. Avy eo izy namoaka ny « Barikavily ». Ary tamin’ny taona 1997 izay nivoahan’ny raki-kirany « vakoka » sy nandrombahany ny fankasitrahana « Grand Prix du Disque de l’Académie Charles Cros » no tena nampalaza azy ivelan’ny mpihaino Malagasy. Manaraka nisesy ireto raki-kira « Taniko », « Maty ilay masoandro », « Voninkazo adalada » ireto ary ny raki-kira nivoaka farany tamin’ny taon-dasa [2006] dia ny « Best Of Erick Manana ».

Mpanakanto roa efa nifankalala hatramin’ny 28 taona lasa izany no indray hiara-hanatanteraka rindra-kira any Neuchâtel [Suisse]. I Eric Manana omban’ny tarika « Roots » mpiara-dia aminy sy i Graeme Allwright, ny Zoma 16 Novambra 2007, manomboka amin’ny 21:00 ora alina ao amin’ny Espace Perrier de Marin, any Neuchâtel [Espace Perrier de Marin, Rue Charles Perrier 2, 2074 Marin - Epagnier, Neuchâtel, Suisse]. Misokatra dieny amin’ny 18:30 ny varavarana hoan’ireo izay hanatrika ny sakafo Malagasy.

Izany dia karakarain’ny Association Mamisoa [Solidarité Madagascar, Neuchâtel] ho famatsiana ireo tetik’asa tohanany any Madagasikara sy ny fikambanana Kiwanis International, serving the Children of the World™

Tahiry nalain' i G.R teto ambany teto :

http://tomavana.wordpress.com/2007/11/09/071116-erick-manana-roots-band-sy-graeme-allwright-neuchatel-ch/

http://www.sobika.com/v2/soirees/pub_soirees/2007/pub_erickmanana_suisse.html

http://www.lexpress.ch/journal/culture/art_276280.php

http://www.freewebs.com/gasipira/sesoeuvres.htm

Mialy RAKOTOMALALA Une Malgache Présidente d’une association internationale présente dans 18 pays

http://www.madagate.com/modules.php?name=News&file=article&sid=281

http://ethnology.gasy.org/article.php3?id_article=188